BM75 · 75162
Her er det plutseleg ein #TogSelfie! I dag skal eg ta toget til ein togstasjon eg aldri har vore på før, men som er inkludert i mitt vanlege, sentrumsorienterte busskort. Det eksotiske Trengereid.
Biletskildring
Ein selfie av ein breitt smilande mann med raudleg skjegg, olivengrøn fleecejakke, ljosgrøn t-skjorte og ei veskereim over brystet på ein perrong under det gamle, klinka jarntaket på Bergen stasjon. Til høgre står fronten på eit grønt og mørkegrått elektrisk Vy-tog av typen Stadler FLIRT (Vy litra BM75), merka med settnummeret «75162» under frontruta til høgre. Destinasjonsskjermen øvst i frontruta viser «R40 Myrdal» i oransje skrift, og toget skal køyra over Vossebanen. Vy sin logo prydar snuten, frontlysa lyser, og regndropar ligg att på den store frontruta. Den gule tryggleikslinja strekkjer seg langs perrongen til venstre for toget. I bakgrunnen reiser eit moderne, grått kontorbygg med rader av vindauge seg over perrongtaket, under ein grå, overskya himmel.